Besedila: Davide Van De Sfroos. E Semm Partii. San Macacu E San Nissoen.

L'e una sira storta cume un cerott in soel genoecc,
in giir a crapa volta cun scia un desmila in di sacocc
e tira un'aria stramba, uduu de fogna e de limon,
e l'angelo custode l'e turnaa indree a cambia i culzon

Ogni menutt el spuung cume un'urtiga in di culzett
c'e chi fa testamento in soel muur del gabinett
el Grignolino el ruzza, gh'e de sbutuna el vestii
il cielo ha l'orticaria e me ho appena digerii

E cume un sacch de la rudera, speci quaivoen che me to so
gh'e una madona in canuttiera che de miracuj ne fa pio
e ogni umbria l'e una pantera, ogni suspiir el paar un pitt
e questa loena de groviera la sa pio gnanca lee se ditt

L'e el de de San Macacu, la nocc de San Nissoen
se tirum via el cuveerc e se impienissum de canzon.
L'e el de de San Macacu, la nocc de San Nissoen
vurevi smurza tutt ma ho pio truvaa el buton

Ogni purtiera verta veed mea l'ura de sarass
la sigaretta stracca veed mea l'ura de smurzass
se borla gio una stela la fa mea frecass
esprimi un desiderio, ma gh'e mea de fidass

De fo de la stazion gh'e Belzebu cun scia i valiis
le corna senza punta e uramai g'ha i cavej griis
cerca un treno per l'inferno se lo trovera
ma in una notte come questa ghe paar de vess a ca

e cume Batman in galera ciapi la mira cuntra i sbarr
e speci l'alba o la curiera o un taxista in mutucarr,
e cume un gatt so la tastiera soni la canzon di matt
questa mannaia primavera la pica gio senza ciamatt

L'e el de de San Macacu.....