Besedila: Davide Van De Sfroos. Akuaintro - Akuaduulza.

:
Akuaduulza akuaduulza ma de un duulz che nissoen el voe beev

Acqua straca e acqua sgunfia sciuscia i remuj e i gaamb di fiulitt?

Lavandera in soe la riva cul to ass per pugia gio i genoecc

El savon e la camisa, sfrega i pagn e?l rifless di muntagn

E quest?unda vagabunda l?e una lengua che bagna i paroll,

lengua che ranza e lengua redunda, prema l?e timida e poe sbrofa tucc?



Akuaduulza akuaduulza troppa volta per fass carezza

Acqua ciara o spurcelenta, tropa vegia per trass foe i mudaand,

suta el ventru de ogni barca e sura la crapa de ogni sass

sura el rusari de ogni memoria?ma sura de te restera nissoen pass..

gnanca el suu che te frusta la schena o la loena che pucia gio i pee,

gnanca la spada de ogni tempesta riussirann a lassatt un disegn?



Akuaduulza akuaduulza acqua che scapa e che poe turna indree

Acqua vedru e acqua perla prunta per tucc ma che specia nissoen

Gh?emm una facia de tartaruuga e gh?emm una facia de pess in carpion

Gh?emm una facia che paar roba tua e urmai te vedum senza vardatt

Quajvoen l?e scapaa da la spuzza dell?alga e poe l?e turnaa per lavass i soe man

Quajvoen l?ha spudaa in soe la tua unda e poe le turnaa cun ?na lacrima in pioe



Akuaduulza akuaduulza quanta acqua impieniss questi oecc

Acqua negra e senza culpa, acqua santa senza resonn

E passa un batell e passa un invernu e passa una guera e passen i pess

Passa el veent che te roba el mantell e passa la nebia che sara soe i stell

Pescaduu che te lasset la spunda ne la breva che cagna i vestii

Rema i pee soe sta foeja che dunda cun la canzon che te voett mai fini??