Besedila: Pierangelo Bertoli. Un'inseni.

[P.A. Bertoli - A. Borghi]
(da "S'at ven in meint", 1978)

L'era una not come tanti ch'ag ne
quand as va a let stof e stlee
ma apeina desd am sinte come un re
per quel ch'am era insugnee.


Tot i operai ch'i lavureven
ig' iv'n al gost ed camper
e quand da vec i er'n in pensiaun
ig'n iv'n anchera da insgner.
Tot i ragas ier'n insem ai pio vec
come dau faci d'un spec
gninta pio leder e gninta bancher
e gninta carabiner.
I calabreis e i piemunteis
is abraseven fra 'dlaur
e i mariner coi muntaner
i eren dacord e d'amaur.
Un po' pio avanti ag era un tapet
fat col staneli di pret
nisun al vliva cmander in un gueren
con la paura 'd' l'inferen.
Gninta pio pegri gninta pio lauv
gninta pastaur e padraun
pochi paroli seimper pio fat
gninta pio furb o coiaun.
A vde paser una banda ed suldee
con di salam tot lighee
i' ven fat so in un fas da bruser
tot qui ch'ig vliven cmander.
che i capitani le i generee
con i teneint e i magiaur
e po' i minester zodes e Pepa
industrie dittataur.
I fen na busa pio granda dal saul
ig fichen deinter l'unaur
po' quand al rosch al fo tot e spasee
i anden a fer so el sitee.
Gninta pio guera sauvra la tera
gninta pio nee difereint
i eren tot seri i eren tot baun
seinsa guarder i pareint.
L'era una not come tanti ch'ag ne
quand as va a let stof e stlee
ma apeina desd am sinte come un re
per quel ch'am era insugnee.